Ըստ մանկավարժների, շատ երեխաներ ընդունվում են երաժշտական դպրոցներ միայն, այսպես կոչված, «կիրառական մասնագիտություններով»։ Եվ կան այնպիսի երաժշտական գործիքներ, որոնք դեռ տարիներ առաջ համարվում էին «մեռնող գործիքներ»։
Ի՞նչ իրավիճակ է երաժշտական դպրոցներում այժմ։ Ո՞ր տարիքային խումբը, ի՞նչ պայմաններում և ի՞նչ է սովորում։
«Հիմա նույնիսկ կլարնետ, դուդուկի խնդիրը շատ ավելի մեծ է։ Պահանջը՝ սովորաբար կիթառն է գերակշռում և վոկալ բաժինները, որովհետև երեխաները չեն ուզում չարչարվել։ Բայց մենք այսօր լուրջ պահանջներ ունենք», – ասում է Երևանի Կոնստանտին Սարաջյանի անվան երաժշտական դպրոցի տնօրեն Արմինե Սողոմոնյանը։
«Երեխաները պետք է ունենան երաժշտական կրթություն, որվհետև դա նպաստում է և՛ մաթեմատիկական հաշվարկին, և՛ իր մտահորիզոնին, ինչը հանրակրթությանը ավելի օգտակարություն է ապահովում՝ կրթական առումով», – ասում է Երևանի Ստեփան Ջրբաշյանի անվան երաժշտական դպրոցի տնօրեն Մամիկոն Անդրեասյանը։
