Լոս Անջելեսում տեղի է ունեցել «Էմմի» հեռուստատեսային մրցանակաբաշխության 76-րդ արարողությունը: Անվանակարգերում ներկայացվել են սերիալներ, հեռուստատեսային ֆիլմեր և հեռուստաշոուներ, որոնք հեռարձակվել են հեռուստաալիքներով կամ առցանց հարթակներում 2023 թվականի հունիսի 1-ից մինչև 2024 թվականի մայիսի 31-ը։
Մրցանակների քանակով առաջատարը «Սյոգուն» սերիալն է. այն շահել է 18 արձանիկ հնարավոր 25-ից, այդ թվում՝ մրցանակներ «Լավագույն դրամատիկ սերիալ», «Լավագույն դերասանուհի դրամատիկական սերիալում» (Աննա Սավաի) և « Լավագույն դերասան դրամատիկական սերիալում» (Հիրոյուկի Սանադա) անվանակարգերում:
Լավագույն կատակերգական սերիալ է ճանաչվել «Հնարքներ»-ը, իսկ գլխավոր դերակատար Ժան Սմարթը դարձել է լավագույն կատակերգակ դերասանուհի։ «Արջը», որն անցյալ տարվա ամենաշատ դիտված ֆիլմերից է, արժանացել է 11 մրցանակի։
Լավագույն մինի-սերիալ է ճանաչվել «Փոքրիկ եղնիկը». Ռիչարդ Գադը և Ջեսիկա Գանինգը, որոնք գլխավոր դերերում են, դարձել են մինի սերիալի լավագույն դերասան և դերասանուհի։
