Եվրոպական ավտոարտադրողները, այդ թվում՝ BMW AG-ն, Mercedes-Benz AG-ն, Porsche-ն, Stellantis-ը, Renault-ն և Volkswagen-ը, լուրջ մարտահրավերների առաջ են կանգնել։ Հիմնական շուկաներում պահանջարկը նվազել է, միաժամանակ մեծացել է էլեկտրական մեքենաների (EV) պահանջարկը՝ խաթարով ներդրողների վստահությունը:
Երեքշաբթի օրը BMW AG-ի բաժնետոմսերը ընկել են 11,2%-ով, ինչը ընկերության ամենամեծ մեկօրյա անկումն է 2020 թվականի մարտից ի վեր և հիմնականում պայմանավորված էր BMW-ի ամենակարևոր շուկաներից մեկում ՝ Չինաստանում պահանջարկի նվազմամբ։
Բաժնետոմսերի անկում է գրանցել ոչ միայն BMW-ն: Եվրոպական վեց խոշոր ավտոարտադրողներից հինգը բաժնետոմսերի գների անկում են ունեցել 2023 թվականին․ ամենաշատը տուժել են Stellantis-ը և BMW-ն, որոնք երկուսն էլ կորցրել են իրենց շուկայական արժեքի ավելի քան 30%-ը:
Renault-ը բացառություն է, որը գրանցել է համեստ 3% աճ:
Porsche AG-ն միակ ընկերությունն է, որը ցուցադրում է գների և շահույթի երկնիշ հարաբերակցություն, սակայն նույնիսկ դա ցածր է իր պատմական միջինից:
Եվրոպայի վեց խոշորագույն ավտոարտադրողների միավորված շուկայական արժեքը կազմում է մոտավորապես 260 միլիարդ եվրո, ինչը Tesla-ի շուկայական արժեքի կեսից պակաս է:
Ըստ Goldman Sachs-ի վերլուծաբան Ջորջ Գալյերսի, օգոստոսյան վաճառքներն այնպիսի հիմնական շուկաներում, ինչպիսիք են Ֆրանսիան, Գերմանիան, Իտալիան և Իսպանիան, գրանցել են երկնիշ անկում տարվա կտրվածքով:
Վաճառքի տարեկան տոկոսադրույքը (SAAR) այս չորս երկրների համար նվազել է 16,7%-ով՝ արտացոլելով Եվրոպայում մակրոտնտեսական բարդ միջավայրը։
Էլեկտրական մեքենաների (EV) վաճառքը նույնպես բախվում է խոչընդոտների՝ կապված բարձր գների հետ։ Բացի այդ, այս մեքենաներն ավելի արագ են արժեզրկվում քան ավանդական ներքին այրման շարժիչով (ICE) մեքենաները:
Գերմանական ավտոմոբիլային արդյունաբերությունը, որը կազմում է Եվրոպայի ավտոմեքենաների շուկայի ողնաշարը, հատկապես ծանր հարված է ստացել արտաքին մրցակցությունից:
Դոկտոր Սայրուս դե լա Ռուբիան՝ Համբուրգի առևտրային բանկի գլխավոր տնտեսագետը, ընդգծում է գերմանական ավտոարտադրողների վրա ազդող հիմնական մարտահրավերները.
«Գերմանական արտադրական հատվածի վրա ազդող ամենակարևոր գործոնը համաշխարհային շուկայում գերմանական մեքենաների և ավտոարտադրողների մասնաբաժնի կորուստն է՝ հօգուտ Չինաստանի մրցակիցների»:
