Ֆուտբոլի Ազգերի լիգայի երկրորդ տուրում Հայաստանի հավաքականը Սկոպյեում 2-0 հաշվով պարտվեց Հյուսիսային Մակեդոնիայի թիմին։
Առաջին խաղակեսում թիմերը գոլ խփել չկարողացան։
Ավելացված չորրորդ րոպեին երկրորդ դեղին քարտի համար հեռացվեց Հյուսիսային Մակեդոնիայի եւ ռումինական «Կրայովայի» պաշտպան Զայկովը։
Երկրորդ խաղակեսում՝ 70-րդ րոպեին Հայաստանի հավաքականի դարպասը գրավեց Էնիս Բարդհին։ 78-րդ րոպեին հաշիվը կրկնապատկեց Բոյան Միովսկին։
C լիգայի չորրորդ խմբի երկրորդ տուրի մյուս խաղում Լատվիան 1:0 հաշվով հաղթել էր Ֆարերյան կղզիներին։
Հյուսիսային Մակեդոնիան 4 միավորով գլխավորեց մրցաշարային աղյուսակը։ Հայաստանը 3 միավորով երկրորդ տեղում է։ Լատվիան նույնպես ունի 3 միավոր։
