Apple It’s Glowtime միջոցառմանը Apple-ն այսօր պաշտոնապես կներկայացնի iPhone 16-ը
Այսօր երեկոյան Apple-ը կանցկացնի It’s Glowtime միջոցառումը, որի ընթացքում պաշտոնապես կներկայացվեն iPhone 16-ը, նոր Apple Watch խելացի ժամացույցները, AirPods ականջակալները, ինչպես նաև ընկերության այլ ապարատային նորամուծությունները։ Դրա հետ մեկտեղ կհայտարարվի iOS 18-ի, macOS Sequoia-ի և արհեստական ինտելեկտի Apple Intelligence-ի վրա հիմնված նոր հնարավորությունների մասին։
Ըստ լուրերի՝ այս տարի iPhone 16-ի բոլոր տարբերակները կհամալրվեն նոր A18 միկրոպրոցեսորով։
Շնորհանդեսի առանցքում կլինի նոր iPhone 16-ը: Սմարթֆոնն ունի արդիականացված ապարատային լուծումներ, և դրանց ծրագրային բաղադրիչը ներառում է Apple Intelligence AI-ի ավելի շատ նոր գործառույթներ, ինչպիսիք են բարելավված Siri ձայնային օգնականը, պատկերի ստեղծման և խմբագրման գործիքը, զանգերը ձայնագրելու և վերծանելու հնարավորությունը:
Ակնկալվում է, որ iPhone 16-ը տեսախցիկների մասում կունենա նոր դիզայն։ iPhone 16-ում տեսախցիկի հիմնական սենսորները տեղադրված կլինեն մեկը մյուսի նկատմամբ ուղղահայաց և ոչ թե անկյունագծով, ինչպես iPhone 13-ից սկսած բոլոր մոդելներում է: Նշվում է նաև, որ հiPhone 16-ի մարտկոցը նախորդ մոդելների համեմատ ավելի երկար կաշխատի ավտոնոմ ռեժիմում:
Սպասվում է նաև, որ առաջիկա միջոցառման շրջանակներում կհայտարարվի Apple Watch Series 10-ի նոր խելացի ժամացույցների մասին, որոնք 9-րդ սերիայի մոդելների համեմատ կլինեն ավելի բարակ։
Apple-ը կհայտարարի նաև նոր AirPods անլար ականջակալների մասին: Հնարավոր է, որ թարմացված AirPods Max-ը հայտնվի USB Type-C ինտերֆեյսով և նոր գույներով։ Ակնկալվում է, որ միջին դասի մոդելը կունենա AirPods Pro ոճի դիզայն, աղմուկը չեղարկելու աջակցություն և ներկառուցված բարձրախոսով պատյան՝ Find My ֆունկցիոնալությունն ապահովելու համար: Նոր ապրանքատեսակները կունենան պատյաններ, որոնք հագեցած կլինեն լիցքավորման համար USB Type-C միակցիչով:
