Ազգային երգարաններ. «Ազգային արժեքներ»

Հայկական ձեռագիր երգարանները՝ միջնադարյան տաղարանները, մեզ են հասել դեռ 15-րդ դարից, որոնք հիմնականում նախատեսված էին ընթերցելու և արտասանելու համար։ Ժողովրական նորոգված երգարանները լայն տարածում գտան 19-րդ դարում՝ նոր հայկական նոտագրության երևան գալուց հետո։

Երգարանները, բացի իրենց հիմնական առաքելությունից՝ երգերից ու երգվող բանաստեղծությունների հավաքածու լինելուց, այդ երգերով ներկայացրել են նաև տվյալ ժամանակաշրջանի սոցիալ-տնտեսական և քաղաքական իրավիճակը, ժողովրդական նիստուկացը և մարդկային հարաբերությունները։