ԱՄՆ պետքարտուղար Անտոնի Բլինկենը Իսրայելի պաշտպանության նախարար Յոավ Գալանտի հետ հեռախոսազրույցում կոչ է արել շտապ հրադադար հաստատել Գազայի հատվածում։ Այս մասին հայտարարել է ԱՄՆ Պետդեպարտամենտի մամուլի ծառայության ղեկավար Մեթյու Միլլերը։
«Պետքարտուղարն ընդգծել է Գազայի հատվածում հրադադարի հասնելու հրատապ անհրաժեշտությունը, որը թույլ կտա ազատ արձակել պատանդներին, մեծացնել մարդասիրական օգնությունը և պայմաններ ստեղծել տարածաշրջանային ընդհանուր կայունության համար», — ասվում է հայտարարության մեջ: Ինչպես Միլլերն է նշել, Բլինկենը Գալանտին ասել է, որ «էսկալացիան չի բխում կողմերից ոչ մեկի շահերից»:
