ԿարևորՀասարակություն

Քննարկվել է Հայաստանի անդամակցության հարցը ՄԱԿ-ի Պարենային անվտանգության համաշխարհային կոմիտեին

ՀՀ Էկոնոմիկայի նախարարի տեղակալ Արման Խոջոյանը մայիսի 14-16-ը գտնվել է Հռոմում՝ ՊԳԿ Եվրոպայի տարածաշրջանային համաժողովի (ERC) 34-րդ նստաշրջանին մասնակցելու նպատակով։

Մասնակիցները մտքեր են փոխանակել կենսաբազմազանության պահպանման և ջրի արդյունավետ կառավարման, կլիմայի փոփոխության և բազմաթիվ մարտահրավերների վերաբերյալ: Կարևորվել է նորարարության և թվայնացման դերը Եվրոպայում և Կենտրոնական Ասիայում՝ կայուն և ցածր արտանետումներով գյուղատնտեսական համակարգերի ամրապնդման գործում:

Այցի շրջանակներում Արման Խոջոյանը հանդիպել է ՄԱԿ ՊԳԿ-ի (FAO) գլխավոր տնօրեն Քու Դոնգյուի հետ: Կողմերը անդրադարձել են պարենային համակարգերի ամրապնդման և կայունացման հիմնախնդիրներին կլիմայի փոփոխության համատեքստում:

Կայացել է նաև հանդիպում ՄԱԿ-ի Պարենային անվտանգության համաշխարհային կոմիտեի Հարավային Աֆրիկայի դեսպան Նոսիֆո Նաուսկա-Ժան Ջեզիլեի հետ: Քննարկվել է Հայաստանի անդամակցության հարցը ՄԱԿ-ի Պարենային անվտանգության համաշխարհային կոմիտեին, դեսպանի կողմից ներկայացվել է անհրաժեշտ քայլերի հաջորդականությունը գործընթացը սկսելու համար:

Back to top button