Ռադիոլուր

Արեւմտահայերէն լուրեր 11 Ապրիլ. 2024

Հայաստան իր պետական շահերը առաջ մղելու սկզբունքով կ՛առաջնորդուի։ Թէ՛ Ռուսաստանի Դաշնութեան, թէ՛ մնացած գործընկերներուն հետ յարաբերութիւններուն մէջ։ Այս մասին յայտարարեց Հայաստանի փոխ արտաքին գործոց նախարար Վահան Կոստանեան՝ պատասխանելով Հայաստան-Ռուսաստան յարաբերութիւններու մասին հարցումին։

Հայ Եկեղեցւոյ հասցէին նման մեղադրանքներ հնչեցնելու փոխարէն պատշաճ պիտի ըլլար, որ Ատրպէյճանի հոգեւոր առաջնորդը համապատասխան քայլեր ձեռնարկէր՝ կասեցնելու ցեղասպան գործողութիւնները։ Յայտարարած են Մայր աթոռէն արձագանգելով Կովկասի մահմետականներու գրասենեակի ղեկավար Փաշազատէին։

Հայաստանի մէջ Ֆրանսայի դեսպան Օլիվիէ Տըքոթինին այսօր կրկին այցելելու է Սիւնիք՝ Հայաստանի ռազմավարական նշանակութեան եւ խոցելի մարզ, ինչպէս ան գրած է X-ի հարթակին։

Back to top button