ԿարևորՌադիոլուր

Արեւմտահայերէն լուրեր 1 Մարտ. 2024

Վարչապետ Նիկոլ Փաշինեան ծաղիկներ խոնարհեց Երեւանի Գրիգոր Լուսաւորիչ փողոցին յարակից այգիին մէջ «Ազդեցութիւն եւ հակազդեցութիւն» յուշարձանին՝ յարգանքի տուրք մատուցելով 1 Մարտ 2008 թուականի զոհերու յիշատակին: Հայաստանի Արտաքին գործոց նախարար Արարատ Միրզոյեան 1-3 Մարտին աշխատանքային այցով Թուրքիա կը մեկնի՝ մասնակցելու Անթալիայի համաժողովին , կը յայտնէ Արտաքին գործոց նախարարութեան բանբեր՝ Անի Պատալեան։

Հայկական Բարեգործական Ընդհանուր Միութեան (ՀԲԸՄ) նախագահութիւնը Պերճ Սեդրակեան 22 տարիներ վարելէ ետք, յառաջիկայ աշնան կ՛աւարտէ նախագահական իր շրջանը: Սէմ Սիմոնեան պաշտօնապէս պիտի ընտրուի ՀԲԸՄի յառաջիկայ՝ 93րդ Ընդհանուր ժողովին, որ տեղի պիտի ունենայ 12 Հոկտեմբեր 2024ին, Նիւ Եորքի մէջ: Սէմ Սիմոնեան եւ իր տիկինը՝ Սիլվան հիմնադիրներն են Հայաստանի ԹՈՒՄՕ Ստեղծարար Ճարտարարուեստներու կեդրոնին։

Back to top button