ԿարևորՌադիոլուր

Արեւմտահայերէն լուրեր 21 Փետրուար. 2024

Վարչապետ Նիկոլ Փաշինեան երկու օրուան աշխատանքային այցով Ֆրանսա մեկնած է : Այսօր նախատեսուած է վարչապետ Փաշինեանի հանդիպումը Ֆրանսայի նախագահ Էմանուէլ Մաքրոնի հետ: Երեկոյեան Հայաստանի վարչապետը եւ Ֆրանսայի նախագահը Փարիզի պանթէոնին մէջ ներկայ պիտի գտնուին Դիմադրութեան շարժման, հայազգի հերոս Միսաք Մանուշեանի եւ կնոջ՝ Մելինէ Մանուշեանի աճիւններու վերայուղարկաւորութեան Ֆրանսայի մեծագոյն գործիչներուՊանթէոնին մէջ ։ Հայ բանաստեղծ, ֆրանսական դիմադրութեան շարժման մարտիկ, Ֆրանսայի ազգային հերոս Միսաք Մանուշեան երկրորդ համաշխարհային պատերազմի ընթացքին եղած է խմբաւորման ղեկավար։ Մանուշեանն ու իր ընկերներէն շատերը ձերբակալուած են 1943 թուականի Նոյեմբերին եւ 1944-ի Փետրուար 21-ին մահապատիժի ենթարկուած են :

2024 թուականին Հայաստանի կրթութեան, գիտութեան, մշակոյթի եւ մարմանակրթութեան նախարարութիւնը կը շարունակէ սփիւռքի մէջ գործող հայկական ուսումնական հաստատութիւններուն մէջ դասաւանդողներու վերապատրաստման մէկ ամսուան ծրագիրը Յուլիս ամսուն: Մասնակցելու համար անհրաժեշտ է դիմումները ներկայացնել մինչեւ Մայիս 15 ։

Back to top button