Աշակերտը պետք է վստահ լինի, որ սիրում ես իրեն․ մանկավարժ Նելլի Խաչատրյան. «Հաջողության նոտա»

Սիսիանում ծնված և մեծացած Նելլին դեռ դպրոցական տարիներին օժտված էր մաթեմատիկական մտածելակերպով։ Դպրոցից հետո ընդունվել է Աբովյանի անվան մանկավարժական համալսարանի ֆիզմաթ ֆակուլտետ։ Աշխատանքային ուղին սկսել է հարազատ Սիսիանի թիվ 5 միջնակարգ դպրոցից, որտեղ դասավանդել է մաթեմատիկա և ինֆորմատիկա։

26 տարվա ընթացքում արժանացել է բազմաթիվ շնորհակալագրերի և հավաստագրերի։ 2021թ․-ին Կրթության, գիտության, մշակույթի և սպորտի նախարարության «Տարվա լավագույնները» մրցույթում հաղթող է ճանաչվել: