Արվեստ՝ տեսողական, վերացական ու գաղափարային, արվեստ, որն արտահայտում է արվեստագետի ողջ հուզական ներաշխարհը, ապրումները, զգացումները, էներգիան, վերաբերմունքը կյանքի, մարդկանց, դժվարությունների, անարդարությունների վերաբերյալ:
Ահա արվեստագետ, Գեղարվեստի պետական ակադեմիայի` Գյումրու մասնաճյուղի դասախոս Գոհար Սմոյանի ստեղծագործական աշխարհը, որն ազնիվ է, արդար ու գեղեցիկ մղումներով լի:
Գյումրեցի արվեստագետի ներաշխարհը, ստեղծագործական ու մանկավարժական գործունեությունն իր էության նման անչափ բազմաշերտ է: Ժամանակակից արվեստի դաշտում աշխատում է տարբեր արտահայտչամիջոցներով՝ տեսողական արվեստ, երաժշտություն, վիդեո, մեդիա։
Գոհար Սմոյանն առաջին մասնագիտությամբ կենսաքիմիկոս է, հետագայում ավարտել է նաև Երևանի գեղարվեստի պետական ակադեմիայի՝ Գյումրու մասնաճյուղի գծանկարչության բաժինը, խմբակային և անհատական մի շարք ցուցահանդեսներ է ունեցել Հայաստանում և արտերկրում: Զրույց նկարչուհի Գոհար Սմոյանի հետ։
