ԿարևորՌադիոլուր

Արեւմտահայերէն լուրեր 29 Նոյեմբեր. 2023

Մատրիտի մէջ տեղի ունեցող Եւրամիութեան հարցերով խորհրդարանական յանձնաժողովներու համաժողովին մեր երկրի մարտահրաւէրները ներկայացուց Արման Եղոյեան։

Hayasat-1 հայրենական առաջին արբանեակը տիեզերք պիտի արձակուի 1 Դեկտեմբերին՝ Երեւանի ժամանակով 22:18-ին SpaceX ընկերութեան Falcon-9 հրթիռով: Լուրը յայտնեց «Բազումք» տիեզերական հետազօտութիւններու եւ «Գիտական նորարարութեան եւ կրթութեան կեդրոն»-ը։

2024ին, «Զարմանազան» արեւմտահայերէնով ամառնային ճամբարը տեղի պիտի ունենայ թէ՛ Ֆրանսայի, թէ՛ Միացեալ Նահանգներու մէջ։ «Զարմանազան»ը այն վայրն է, ուր Սփիւռքի մանուկները, պատանիները, երիտասարդները, ուսուցիչները կը միանան ու լեզուն հաճոյքով կ՛ապրին։

29 Նոյեմբեր1956 թուականին, տեղի ունեցաւ հայկական հեռուստատեսութեան առաջին հեռարձակումը։

29 Նոյեմբեր 1967 թուականին, Ծիծեռնակաբերդի բարձունքին վրայ բացումը կատարուեցաւ Հայոց ցեղասպանութեան յուշահամալիրին:

Back to top button