ԿարևորՌադիոլուր

Արեւմտահայերէն լուրեր 10 Նոյեմբեր. 2023

Էլիզէի պալատին մէջ տեղի ունեցաւ վարչապետ Նիկոլ Փաշինեանի եւ Ֆրանսայի նախագահ Էմանուէլ Մաքրոնի հանդիպումը: Էմանուել Մաքրոն անգամ մը եւս շեշտած է Ֆրանսայի աջակցութիւնը Հայաստանին` յետագայ զարգացման ու առկայ մարտահրաւէրները յաղթահարելու ուղղութեամբ:

Վարչապետը այսօր կը մասնակցի Փարիզի մէջ «Խաղաղութեան համաժողովին », որուն կը մասնակցին մօտ ութ տասնեակ երկիրներու եւ միջազգային կազմակերպութիւններու ներկայացուցիչներ: Իսրայէլ համաժողովին չի մասնակցիր, թէպէտ օրակարգի գլխաւոր հարցը Կազայի հատուածին պատերազմը դադրեցնելն է։

Երեւանի մէջ այսօր սկիզբ կ՛առնէ սամպոյի աշխարհի առաջնութիւնը: Բացման պաշտօնական արարողութիւնը ժամը 16:30-ին: Այս առաջնութեան, ընդհանուր առմամբ, կը մասնակցին 70 երկիրներէն եկած մարզիկներ։

Back to top button