Ռադիոլուր

Արեւմտահայերէն լուրեր 3 Նոյեմբեր. 2023

Հայաստանի Արտաքին գործոց նախարար Արարատ Միրզոյեան լաւատեսութիւն յայտնեց, որ մօտ ապագային դիւանագիտական անձնագիր ունեցողներուն եւ երրորդ երկիրներու քաղաքացիներուն համար Հայաստան-Թուրքիա ցամաքային սահմանը բանալու առումով գուցէ լաւ նորություն ըլլայ: Նախարարը այս մասին ըսաւ Ազգային ժողովի մշտական յանձնաժողովներու համատեղ նիստին ընթացքին։

Ռուսիոյ կառավարութիւնը համաձայնութիւն տուաւ Հայաստանի Կապան շրջանին մէջ գլխաւոր հիւպատոսարան բանալու ծրագիրին: Հրամանագիրը ստորագրած է Ռուսիոյ վարչապետ Միխայիլ Միշուսթին:

«Հունաստան կանգնած է Հայաստանի կողքին»,- ըսած է Հայաստանի մէջ Յունաստանի արտակարգ եւ լիազօր դեսպանը։ Յունական կողմը Հայաստանի կառավարութեան յատկացուց չորս թոն մարդասիրական բեռ, Երեւան ժամանեց նաեւ յատուկ մասնագէտներու խումբ՝ մը բաղկացած հոգեբաններէ, որոնք հոգեբանական աջակցութիւն պիտի ցուցաբերեն Լեռնային Ղարաբաղէն տեղահան եղած այն անձերուն, որոնք տուժած են ճգնաժամէն։

Back to top button