ԿարևորՌադիոլուր

Արեւմտահայերէն լուրեր 1 Նոյեմբեր. 2023

Հայաստանի մարզերէն եւ Երեւանի դպրոցներէն ներս Լեռնային Ղարաբաղէն բռնի տեղահանուած 16 հազար 371 երեխաներ արդէն ուսում կը ստանան, 5185-ը՝ Երեւանի մէջ, մնացեալը մարզերուն: Անդրադառնալով Լեռնային Ղարաբաղէն բռնի տեղահանուած ուսուցիչներու աջակցութեան ծրագիրին՝ փոխնախարար Սվաճեան նշեց, որ այս պահու դրութեամբ դիմած է 126 շահառու, որմէ 52-ը արդէն գործուղուած է:

Ամերիկայի Ծերակոյտի յատկացումներու հարցերով յանձնաժողովի լսումներուն, որոնք նուիրուած էին ազգային անվտանգութեան ոլորտին յաւելեալ 106 միլիառ տոլար տրամադրելու Պայտընի վարչակազմի խնդրանքին, Ամերիկայի պետական քարտուղար Էնթընի Պլինքըն Հայաստանը յիշած է օգնութիւն ստացող երկիրներու շարքին: Այս մասին յայտնեց «Ամերիկայի ձայնը»:

ՄԱԿ-ը դէմ է մարդոց զանգուածային բռնի տեղափոխման, ըսած է ՄԱԿ-ի գլխաւոր քարտուղար Սթեֆան Տիւժարիկ` ի պատասխան Կազայի հատուածին 2,3 միլիոն բնակիչներու վերաբնակեցման իսրայէլական ծրագիրի գոյութեան մասին լուրերը մեկնաբանելու խնդրանքին:

Նիւ Եորքի Ժամանակակից արուեստի թանգարանին մէջ 3 Նոյեմբերին առաջին անգամ պիտի ցուցադրուի Համօ Բեկնազարեանի 1928 թուականաին ստեղծուած «Խաս Փուշ» ֆիլմը ։

Back to top button