ԿարևորՌադիոլուր

Արեւմտահայերէն լուրեր 27 Հոկտեմբեր. 2023

24 տարի առաջ այս օրը՝ 27 Հոկտեմբերը դարձաւ հայոց նորագոյն պատմության ամէնէն սեւ էջերէն մեկը: Ազգային ժողովին մէջ կառավարութեան հարց-պատասխանը ընդհատուեցաւ կրակոցներով : Երկրի բարձրագոյն օրէնսդիր մարմին ներխուժած խումբ մը յանցագործներ գնդակահարեցին երեւելի պետական այրերը: Ահաբեկչութեան զոհ դարձան վարչապետ Վազգէն Սարգսեան, Ազգային Ժողովի նախագահ Կարէն Դեմիրճեան, փոխնախագահներ Եուրի Բախշեան ու Ռուբէն Միրոյեան, պատգամաւորներ Արմենակ Արմենակեան, Միքայէլ Քոթանեան, Հենրիկ Աբրահամեան եւ նախարար Լեոնարտ Պետրոսեան:

Վարչապետ Նիկոլ Փաշինեան Ազգային ժողովի նախագահ Ալեն Սիմոնեանի հետ ծաղիկներ խոնարհեց Ազգային ժողովի այգիին մէջ յուշակոթողին եւ յարգանքի տուրք մատուցեց 27 Հոկտեմբեր 1999 թուականի ոճրագործութեան զոհ դարձած պետական եւ քաղաքական գործիչներու յիշատակին:

Ամերիկայի պետական քարտուղարութեան խօսնակ Մեթիու Միլլըր, լրագրողներուն հետ զրոյցի ընթացքին ընդգծեց, որ Պաքուի ու Երեւանի միջեւ համաձայնութիւնը կը բխի բոլորին շահերէն։

Back to top button