Ռադիոլուր

Արեւմտահայերէն լուրեր 25 Հոկտեմբեր. 2023

Գանատայի արտաքին գործոց նախարար Մելանի Ժոլին Հայոց Ցեղասպանութեան յուշահամալիր պիտի այցելէ յարգանքի տուրք մատուցելու 1915 թուականին մէկուկէս միլիոն զոհերու յիշատակին,- ըսուած է հաղորդագրութեան մէջ։ Երեւանի մէջ Գանատայի դեսպանատան բացումը պիտի կատարէ նախարար Ժոլին նաեւ պիտի տեսակցի բարձրաստիճան այրերուն հետ։
Լիբանանի մէջ Հայաստանի դեսպանութիւնը մշտական կապի մեջ է Լիբանանի պատկան մարմիններուն, ինչպէս նաեւ հայ համայնքային կառոյցներու ղեկավար շրջանակներու հետ՝ ըստ անհրաժեշտութեան Հայաստանի քաղաքացիներուն, ինչպէս նաեւ բազմահազար լիբանանահայութեան անվտանգային լուծումներ առաջարկելու համար:
Կարմիր Խաչ միջազգային կոմիտէի Պաքուի պատուիրակութեան ներկայացուցիչները այցելած են Լեռնային Ղարաբաղի նախկին նախագահներ Արկադի Ղուկասեանին, Բակօ Սահակեանին, Արայիկ Յարութիւնեանին, պետական նախկին նախարար Ռուբէն Վարդանեանին, արտաքին գործոց նախկին նախարար Դաւիթ Բաբայեանին, պաշտպանութեան բանակի նախկին հրամանատար Լեւոն Մնացականեանին եւ Ազգային ժողովի նախկին նախագահ Դաւիթ Իշխանեանին:

Back to top button