Ռադիոլուր

Արեւմտահայերէն լուրեր 20 Հոկտեմբեր. 2023

Աւստրիոյ խորհրդարանը միաձայն ընդունեց Լեռնային Ղարաբաղի ժողովուրդին դէմ Ատրպէյճանի կողմէն իրականացուած ցեղային զտումը դատապարտող բանաձեւ մը։ Բանաձեւը կոչ կ՛ընէ դաշնային կառավարութեան միջազգային «բոլոր հարթակներու վրայ եւ երկկողմ քննարկումներուն դատապարտելու Ատրպէյճանի ռազմական գործողութիւնները, որոնք պատճառ դարձան աւելի քան 100,000 էթնիկ հայերու զանգուածային արտագաղթին Լեռնային Ղարաբաղէն»:

ՄԱԿ-ի գլխաւոր քարտուղար Անթոնիօ Կութերեշ Իսրայէլի եւ Կազայի միջեւ երկու շաբաթեայ մարդասիրական հրադադարի կոչ ըրած է։ Ան այս յայտարարութիւնը ըրած է Եգիպտոսի Արտաքին գործոց նախարար Սամեհ Շուքրիի հետ համատեղ մամլոյ ասուլիսի ժամանակ։ Եգիպտոսի նախագահն ու Յորդանանի թագաւորը խիստ դէմ արտայայտուած են Կազայի հատուածէն պաղեստինցիներու բռնի տեղահանման։ Ինչպէս կը տեղեկացնէ «ՌԻԱ Նովոսթի»-ն:

Back to top button