Հայաստանի անկախութեան, ինքնիշխանութեան, տարածքային ամբողջականութեան եւ սահմաններու անձեռնմխելիութեան ՝ իրենց անսասաան աջակցութիւնը ընդգծած են Միշէլ, Մաքրոն եւ Շոլց։ Թէեւ Պաքուն հրաժարեցաւ նախնական պայմանաւորուածութենէն , սակայն Կրանատայի մէջ կայացաւ Հայաստանի, Ֆրանսայի, Գերմանիոյ ղեկավարներուն եւ Եւրոպական խորհուրդի նախագահին քառակողմ հանդիպումը: Վարչապետ Նիկոլ Փաշինեան միջազգային այլ գործընկերներուն եւս ներկայացուց ցեղային զտման ատրպէյճանի քաղաքականութեան հետեւանքները:
Եւրոպական խորհուրդի ղեկավար Շառլ Միշէլ Հայաստանի Հանրապետութեան վարչապետ Նիկոլ Փաշինեանն ու Ատրպէյճանի նախագահ Իլհամ Ալիեւը հրաւիրած է Հոկտեմբերի վերջը Պրիւքսէլի մէջ կայանալիք հանդիպման:
Գալուստ Կիւլպէնկեան հիմնարկութիւնը կոչ կ՛ընէ անյապաղ ազատ արձակելու Ատրպէյճանի կողմէն ձերբակալուած բոլոր անձերը․ նշուած է հիմնարկութեան՝ Լեռնային Ղարաբաղ ճգնաժամին վերաբերեալ տարածած յայտարարութեան մէջ։
Սուրիոյ կառավարութիւնը եռօրեայ սուգ յայտարարած է՝ Սուրիոյ մէջ Հոմսի ռազմական ուսումնարանէն ներս սպայ շրջանաւարտներու հանդիսութեան ընթացքին զինեալ ահաբեկչական յարձակումի հետեւանքով զոհուած նահատակներուն հոգւոյն։
