Ռադիոլուր

Արեւմտահայերէն լուրեր 05 Հոկտեմբեր. 2023

5 Հոկտեմբերին, այսօր Կրանատայի մէջ Եւրոպական քաղաքական համայնքի երրորդ գագաթնաժողովի շրջածիրէն ներս նախատեսուած էր հնգակողմ հանդիպում Հայաստանի, Ատրպէյճանի, Ֆրանսայի, Գերմանիոյ եւ Եւրոպայի խորհուրդի ղեկավարներուն մասնակցութեամբ, սակայն հանդիպումէն առաջ Ալիեւ յայտնած է այն չեղարկելու մասին։
Եւրոպական խորհրդարանը այսօր պէտք է քուէարկութեամբ ընդունի Լեռնային Ղարաբաղի մէջ ստեղծուած իրավիճակին թեմայով 3 Հոկտեմբերի քննարկումներու ամփոփիչ բանաձեւ:
«Մենք օրեր կ՛ապրինք, երբ Ուսուցիչի տօնը, ոչ թէ իրար ջերմօրէն շնորհաւորելու եւ բարեմաղթանքներ յղելու առիթ է, այլ ձեր դերն ու առաքելութիւնը վերաիմաստաւորելու, պատասխանատուութիւնը կրկնապատկելու եւս մէկ անհրաժեշտութիւն»: Ըսաւ Հայաստանի Կրթութեան, գիտութեան, մշակոյթի եւ մարմանկրթութեան նախարար Ժաննա Անդրէասեանը իր ուղերձին մէջ Ուսուցիչներու օրուան առիթով։

Back to top button