Մեքսիկայի հյուսիսում եկեղեցու տանիքի փլուզման հետևանքով առնվազն 10 մարդ է զոհվել, հայտնում է BBC-ն։
Տամաուլիպաս նահանգի Սյուդադ Մադերո ծովափնյա քաղաքի Սանտա Կրուս եկեղեցու փլուզումից հետո 49 մարդ տեղափոխվել է հիվանդանոց։
Հաղորդվում է, որ զոհերի թվում առնվազն երկու երեխա կա։
Ոստիկանությունը հայտնել է, որ այդ պահին պատարագին ներկա է եղել մոտ 100 մարդ: Որոշ տեղեկությունների համաձայն՝ այնտեղ մկրտության արարողություն է անցկացվել։
Միջադեպից հետո տասնյակ մարդիկ մնացել են փլատակների տակ։
