Լեռնային Ղարաբաղից բռնի տեղահանված ավելի քան 100 հազարավոր մարդիկ Հռոմի պապի մտքի մեջ են, Ստեփանակերտի մոտ տեղի ունեցած պայթյունի զոհերը՝ նրա աղոթքներում, հայտնում է vaticannews-ը։
Հռոմի Ֆրանցիսկոս պապը հետևում է Լեռնային Ղարաբաղում ստեղծված աղետալի վիճակին․
«Այս օրերին հետևում եմ Լեռնային Ղարաբաղի փախստականների ողբերգալի իրավիճակին։ Կրկնում եմ Ադրբեջանի և Հայաստանի միջև երկխոսության իմ հորդորը և կոչ ուղղում միջազգային հանրության աջակցությամբ կողմերի երկխոսության համար, որը կհանգեցնի երկարաժամկետ համաձայնության՝ վերջ դնելով հումանիտար ճգնաժամին»։
Սրբազան Պապն իր աղոթքն է բարձրացրել Ստեփանակերտ քաղաքի մոտակայքում վառելիքի պահեստարանի պայթյունից զոհված 170 անձանց համար։
