Սեպտեմբեր 28-ի ժամը 10:00-ի դրութեամբ Հայաստան տեղափոխուած է Լեռնային Ղարաբաղէն բռնի տեղահանուած 66 հազար 500 անձ: Հայաստանի կառավարութեան 28 Սեպտեմբերի նիստի ժամանակ ըսաւ փոխվարչապետ Տիգրան Խաչատրեան: Արցախի Հանրապետութեան նախագահ Սամուէլ Շահրամանեանը հրամանագիր ստորագրած է, ուր նշուած է, որ մինչեւ 2024 թուականի 1 Յունուարը լուծարել Լեռնային Ղարաբաղի գերատեսչական ենթակայութեան բոլոր պետական հիմնարկներն ու կազմակերպութիւնները, Լեռնային Ղարաբաղի Հանրապետութիւնը կը դադրի գոյութիւն ունենալէն։ Լեռնային Ղարաբաղի նախկին պետական նախարար, բարերար՝ Ռուբէն Վարդանեանին Պաքուի մէջ կալանաւորած են 4 ամիսով , զայն մեղսագրելով գոյութիւն չունեցող յանցանքներով։ Հայաստանի Արտաքին գործոց նախարարութիւնը յայտարարեց, որ կը ձեռնարկէ բոլոր հնարաւոր միջոցները՝ Ռուբէն Վարդանեանի իրաւունքներու պաշտպանութիւնը եւ վերադարձը ապահովելու համար:
