Լեռնային Ղարաբաղէն տուժածները տեղափոխող առաջին ուղղաթիռը իջաւ Հայաստանի Սիսիան քաղաք: Երէկ Ասկերան շրջանին մէջ վառելիքի պահեստի խոշոր պայթումին պատճառով Արցախի տարբեր հիւանդանոցներուն մէջ 290 հիւանդ ընդունած են տարբեր աստիճանի այրուածքներով։ Ցաւօք սրտի, 7 անձ մահացած է։
Այսօր ժամը 8:00 դրութեամբ Լեռնային Ղարաբաղէն Հայաստան մուտք գործած է բռնի տեղահանուած 13 550 անձ: Բոլոր անոնց, որոնք չունին կեցութեան նախապէս որոշուած վայր, կառավարութիւնը համապատասխան կեցավայրով կ՛ապահովէ : Աջակցութեան կարիքներու նպատակով հաշուառումը կը շարունակուի: Ամերիկան հաւատացած է, որ Լեռնային Ղարաբաղի իրավիճակով կապուած տարածաշրջանին մէջ պէտք է տեղակայուի միջազգային առաքելութիւն մը, որը կ՛ապահովէ տեղի բնակիչներուն իրաւունքներն ու անվտանգութիւնը:
Մայրաքաղաքին մէջ առաւօտեան կազմակերպուած ցոյցերու պատճառով կարճ ժամանակով փակուած էին որոշ փողոցներ, որոնք Ներքին գործոց նախարարութեան ոստիկանութեան գործողութիւններու արդիւնքով արագ բացուեցան:
