ՌԴ ԱԳՆ-ն Լեռնային Ղարաբաղի շուրջ ստեղծված իրավիճակի հետ կապված հայտարարություն է տարածել, որում հակամարտող կողմերին կոչ է անում անհապաղ դադարեցնել արյունահեղությունը, դադարեցնել ռազմական գործողությունները և բացառել քաղաքացիական զոհերը։
Ռուսաստանը նաև կոչ է անում անհապաղ վերադառնալ Ռուսաստանի Դաշնության, Ադրբեջանի և Հայաստանի միջև Լեռնային Ղարաբաղի վերաբերյալ եռակողմ պայմանավորվածությունների կատարմանը։
Մոսկվան շեշտում է, թե որ ռուս խաղաղապահները օգնություն են ցուցաբերում Ղարաբաղի խաղաղ բնակչությանը, այդ թվում՝ բժշկական օգնության և տարհանման հարցերում։
«Այժմ կարևոր է վերադառնալ 2020-2022 թվականների ամենաբարձր մակարդակով եռակողմ պայմանավորվածությունների փաթեթի իրականացմանը, որոնք հստակեցնում են ղարաբաղյան հիմնախնդրի խաղաղ լուծման բոլոր քայլերը, դադարեցնել զինված առճակատումը և անել հնարավոր ամեն բան՝ ապահովելու Լեռնային Ղարաբաղի բնակչության իրավունքներն ու անվտանգությունը»,- ասված է հայտարարությունում։
