Հայաստանի վարչապետը դրական գնահատեց Եւրասիական տնտեսական միութեան կառոյցին մէջ ապրանքներու շրջանառութեան կայուն աճը, սկզբունքային համարեց ուժանիւթի ընդհանուր շուկայի ստեղծումը։ Նիստը նախագահող Ռուսաստանի վարչապետը նշեց, որ նոյնիսկ ամենաբարդ հարցերուն հնգեակի երկիրները ի վիճակի են փոխադարձ ընդունելի լուծումներ գտնել: Ծաղկաձորի մէջ ընթացք առաւ ԵԱՏՄ միջկառավարական խորհուրդի նիստը։
Ֆրանսան կը պատրաստուի ՄԱԿ-ի անվտանգութեան խորհուրդ բանաձեւի նախագիծ մը ներկայացնել` ատրպէյճանի շրջափակման պատճառով սովամահութեան եզրին կանգնած Լեռնային Ղարաբաղի 120 000 բնակիչներուն օգնութիւն տրամադրելու մասին: Կը յայտնէ ֆրանսական Le Figaro-ն։
Իսկ Արեւմտեան Ամերիկայի համահայկական խորհուրդը 24-ժամեայ հացադուլ սկսած է՝ ի աջակցութիւն Արցախի։ Մասնակիցները պահանջած են նախագահ Պայտընէն՝ յստակ քայլեր ձեռնարկելու Ատրպէյճանի նախագահին կողմէն Լեռնային Ղարաբաղի շրջափակումը դադրեցնելու ուղղութեամբ:
