Ֆրանսիան պատրաստվում է ՄԱԿ ԱԽ բանաձևի նախագիծ ներկայացնել ԼՂ-ում հումանիտար իրավիճակի հարցով, տեղեկանում ենք ֆրանսիական հեղինակավոր «Le Figaro» ամսագրի փոխտնօրեն Ժան-Քրիստոֆ Բյուսոնի X-ի (Նախկին Թվիթեր) էջից։
Une résolution attendue, espérée, au Conseil de Sécurité de l'#ONU, un gros convoi humanitaire diligenté par Paris et les régions : mon focus dans @FigaroMagazine_ sur les iniatives 🇲🇫 des prochains jours pour sauver les #Armeniens d'#Artsakh qui agonisenthttps://t.co/PFmEag1P8m
— J-Christophe Buisson (@jchribuisson) August 24, 2023
Նշվում է նաև, որ Փարիզն ու Ֆրանսիայի խոշոր շրջանները հաջորդ շաբաթ մարդասիրական շարասյուն կուղարկեն Հայաստան։
Հայաստանի խնդրանքով Արցախում հումանիտար իրավիճակը քննարկելու նպատակով օգոստոսի 16-ին Միավորված ազգերի կազմակերպության Անվտանգության խորհրդի նիստ էր տեղի ունեցել:
Նյու Յորքում ՄԱԿ ԱԽ հրատապ նիստին մասնակցել էր արտգործնախարար Արարատ Միրզոյանը:
Օգոստոսի 11-ին Հայաստանը դիմել էր ՄԱԿ Անվտանգության խորհուրդ Լեռնային Ղարաբաղի խաղաղ բնակչությանը հարկադրված լիակատար շրջափակման հետեւանքով հումանիտար իրավիճակի վատթարացման առնչությամբ արտահերթ նիստ գումարելու պահանջով:
