ԵՄ դիտորդները հայ — ադրբեջանական սահմանին զորքերի անսովոր տեղաշարժ, կուտակում չեն տեսնում

Հայաստանում Եվրամիության դիտորդական առաքելությունն ամենօրյա ռեժիմով հետևում է ռազմական և անվտանգային իրավիճակին հայ — ադրբեջանական սահմանային գոտու երկայնքով պարեկություն իրականացնող 4 օպերատիվ բազաներից և անսովոր տեղաշարժ կամ կուտակում չի տեսնում, թվիթերյան գրառմամբ հայտնում են առաքելությունից։

«Ելնելով տեղում առկա տեղեկատվությունից՝ չենք տեսնում զորքերի արտասովոր տեղաշարժ կամ կուտակում՝ հատկապես Լաչինի միջանցքի մուտքի մոտ», — նշված է գրառման մեջ։

📣#EUMA daily monitors military & security situation from 4️⃣ operating bases patrolling alongside 🇦🇲-🇦🇿border area.
ℹ️Based on information on the ground, we see no unusual military movement or buildup, especially at the entrance to Lachin corridor
➡️ We keep patrolling the areas

— European Union Mission in Armenia (@EUmARMENIA) August 14, 2023

Ադրբեջանի ԱԳՆ-ը նախօրեին հայտարարել էր, թե իբր Հայաստանի Զինված ուժերը մեծ քանակությամբ զենք, ռազմական տեխնիկա են կենտրոնացրել հայ — ադրբեջանական սահմանին։