Ռադիոլուր

Արեւմտահայերէն լուրեր 05 Մայիս. 2023

Պաշտօնական այցով Չեխիոյ մէջ Հայաստանի վարչապետ Նիկոլ Փաշինեան Փրակի ամրոցի նախագահական նստավայրին մէջ հանդիպում ունեցաւ Չեխիոյ նախագահ Փեթր Պաւելի հետ: Զրուցակիցները քննարկած են հայ-չեխական յարաբերութիւններու յետագայ զարգացման ու ամրապնդման վերաբերող հարցեր: Կարեւոր նկատուած է ինչպես քաղաքական, այնպէս ալ տնտեսական ոլորտներու փոխգործակցութիւնը։

Ուաշինկթընի մէջ չորս օր շարունակուած հայ-ատրպէյճան բանակցութիւններու մասին Հայաստանի վարչապետը երէկ Փրակի մէջ յայտարարեց՝ անորոշ է Լեռնային Ղարաբաղի ժողովուրդի անվտանգութեան եւ իրաւունքներու երաշխաւորման գործիքակազմը , անորոշ է նաեւ Ստեփանակերտ-Պաքու երկխօսութեան ձեւաչափը։

Հանրապետութեան նախագահ Վահագն Խաչատուրեան բրիտանական կողմին հրաւէրով աշխատանքային այցելութիւն կատարեց Մեծ Բրիտանիոյ եւ Հիւսիսային Իռլանտայի Միացեալ Թագաւորութիւն՝ մասնակցելու համար Չարլզ Երրորդի թագադրութեան հանդիսաւոր արարողութեան։

Back to top button