ԿարևորՌադիոլուր

Արեւմտահայերէն լուրեր 25 Ապրիլ. 2023

Արցախի անկախութիւնը ճանչցող բանաձեւ ներկայացուցած է Քոնկրեսական Ատամ Շիֆ Միացեալ Նահանգներու Քոնկրեսի Ներկայացուցիչներու պալատ։ Ըստ Ուաշինկթընի Հայ դատի գրասենեակի հաղորդագրութեան ՝ նախագիծը նաեւ Արցախի անկախութեան միջազգային ճանաչման կոչ կ՛ընէ՝ յորդորելով Ամերիկայի վարչակազմին աշխոյժ քայլեր ձեռնարկել այդ ուղղութեամբ:

Արցախը Հայաստանին կապող մայրուղիի Հայաստանի Հանրապետութեան հետ սահմանին Ատրպէյճանի կողմէն անցակէտ տեղադրելէն յետոյ Արցախի Հանրապետութեան Շուշիի շրջանի Եղցահող, Հին Շէն, Մեծ Շէն եւ Լիսագոր համայնքներու բնակիչները մնացին լիակատար շրջափակման մէջ, անոնք կտրուած են ինչպես Ստեփանակերտէն, այնպէս ալ Հայաստան մեկնելու կարելիութենէն , դիմատետրի մէջ գրած է Արցախի պետական նախարար Գուրգէն Ներսիսեան:

Ֆրանսայի Արտաքին գործոց նախարար Քաթրին Քոլոննան Ապրիլ 26-28 Հայաստան եւ Ատրպէյճան պիտի այցելէ , ըսուած է գերատեսչութեան մամլոյ ծառայութեան հաղորդագրութեան մէջ։ Դիւանագէտը պիտի քննարկէ Լաչինի ճամբուն տիրող իրավիճակը:

Back to top button