Ռադիոլուր

Արեւմտահայերէն լուրեր Օգոստոս 23. 2022

Այսօր Անկախութեան հռչակագիրի ընդունման օրն է։ Հայաստանի վարչապետ Նիկոլ Փաշինեան շնորհաւորական ուղերձ յղեց Հայաստանի Հանրապետութեան Անկախութեան հռչակագիրի ընդունման 32-րդ տարեդարձին առիթով․ «Անկախութիւնը նման է առողջութեան, որը ունենալու համար ամէն օր հոգ պիտի տանիս»։

Ազգային անվտանգութեան ծառայութիւնը հերքեց զանգուածային լրատուամիջոցներու կողմէ եւ ընկերային ցանցերու վրայ շրջան ընող այն լուրերը, ըստ որոնց, Հայաստանի տարածքով Ատրպէյճանէն Նախիջեւան եւ հակառակ ուղղութեամբ հնարաւոր տարանցման ատեն «Հայաստանի տեղական եւ միջազգային նշանակութեան ճանապարհները փակուելու են, խոչընդոտուելու է Հայաստանի բնակիչներուն ազատ տեղաշարժը»:

Ներկայիս մշակման փուլի մէջ կը գտնուին տարանցման հաւանական երթուղիները եւ կարգը։ Սփիւռքի գործերու գլխաւոր յանձնակատարի գրասենեակին կողմէ կազմակերպուող Համաշխարհային հայկական գագաթաժողովը այս տարի տեղի պիտի ունենայ Հոկտեմբեր 28-31՝ Երեւանի մէջ: Նախատեսուած է սփիւռքէն հիւրընկալել մօտ 600 մասնակիցներ։

Back to top button