ԿարևորՀասարակություն

Հայաստանեայց Աւետարանական 175- ամեայ եկեղեցւոյ բարեգործական եւ զարգացման ծրագիրները հայրենիքի մէջ

1846 թուականի 1 Յուլիսին,  37 այր եւ 3 կին Կոստանդնուպոլսոյ ՝ Բերա թաղամասին մէջ, հիմնադրեցին եկեղեցի մը, որը անուանեցին Հայաստանեայց Աւետարանական եկեղեցի։

«Մեր գլխամասը Ամերիկայի մէջ է, իսկ երկրորդ գլխամասը Հայաստանի մէջ, Բաղրամեան պողոտայի վրայ», ըսաւ զրուցակիցս  AMAA-ի Հայաստանի մասնաճիւղի տնօրէնի տեղակալ՝ Արէն Տէիրմենճեան ։ Ան շարունակեց, որ  Հայաստանեայց Աւետարանական եկեղեցին կը համագործակցի կառավարական եւ եկեղեցական մարմիններու հետ եւ տարբեր հասարակական կազմակերպութիւններու հետ եւ կ՛իրականացնէ բարեգործական , մարդասիրական   ծրագիրներ։

Աւետարանական եկեղեցւոյ հիմնադրութեան  175 ամեակի միջոցառման կարեւոր դերը այն է , որ հանրութեան լուսաբանէ Աւետարանական եկեղեցւոյ դերը եւ ճիշդ պատկերը ներկայացնէ։

«Մենք կը շարունակենք մեր գործունէութիւնը Հայաստանի եւ Արցախի մէջ 20 տարբեր վայրերու մէջ»։ Ան նշեց նաեւ, որ Արցախի մէջ շատ գործունեայ են, մանաւանդ Արցախի 44 օրեայ պատերազմէն վերջ։ Միջոցառման ներկայ էր՝ Արցախի պետական ներկայացուցիչ Արտակ Բեգլարեանը։

«Օգնութիւնները կ՛ընենք 30 տարի է ի վեր , սակայն զարգացման ծրագիրները յատուկ դեր ունին , որպէսզի մարդիկ իրենց եկամուտին մէջ գործօն դեր խաղան մեր ծրագիրներուն միջոցով եւ կայուն անհատներ դառնան»։

Արէն մատնանշեց 4 տարուան ծրագրի  մասին Լոռիի մէջ, որը կը միտի պանիրի եւ կաթի արտադրութիւնը հասցնել բարձր որակի եւ ներդրուած գումարները վերադառնան  համայնքին, որպէսզի այնտեղ ապրող մարդոց կեանքը բարելաւուի։

Ներդրումներ կատարուած են սկսնակ ձեռնարկութիւններու վրայ, տնտեսութիւնը խթանելու համար, տրամաբանութիւնը այն է, որ աւելի շատ երիտասարդներ  կ՛ուզեն մնալ Հայաստանի մէջ, եթէ անոնց տրուի յառաջխաղացման հնարաւորութիւն։

Մենք պէտք է ապագայ սերունդը  զինենք բոլոր անհրաժեշտ գործիքներով։ Համարձակ փոփոխութիւնները մեզի պիտի օգնեն յաղթահարելու այսօր առկայ անորոշութիւնն ու սպառնալից իրողութիւնները, ըսաւ Արէն Տէիրմենճեան AMAA-ի Հայաստանի մասնաճիւղի տնօրէնի տեղակալը, որը հայրենադարձ է  եւ արդէն երեք տարիէ ի վեր կը բնակի Հայաստանի մէջ։

Back to top button