Ռադիոլուր

Արեւմտահայերէն լուրեր Յուլիս 13, 2022

Հայաստանի մէջ Ներքին գործոց նախարարութեան ստեղծումով պիտի միաւորուին 3 կառոյցներ` Ոստիկանութիւնը, Փրկարար ծառայութիւնը եւ Փախստականներու ծառայութիւնը: Յայտնեց Հայաստանի Արդարադատութեան փոխ նախարար Արփինէ Սարգսեան «Ներքին գործերու նախարարութեան ստեղծումը, քաղաքացիական վերահսկողութեան կարեւորութիւնը» թեմայով խորհրդարանական լսումներու ընթացքին:

Ազգային ժողովի խորհուրդը Յուլիս 14-ին պիտի քննարկէ 33 ընդդիմադիր պատգամաւորներու լիազօրութիւնները դադրեցնելու համար Սահմանադրական դատարան դիմելու հարցը: Առաջարկուած է զանոնք իրաւագիրներէն զրկել կիսամեակի ընթացքին քուէարկութիւններու առնուազն կէսէն անյարգելի բացակայելու հիմքով:

Թուրքիոյ, Ռուսաստանի եւ Իրանի նախագահներուն եռակողմ հանդիպումը պիտի կայանայ 19 Յուլիսին։ Երեք երկիրներու առաջնորդները պիտի քննարկեն Սուրիոյ խնդիրը։

Back to top button