Լուսինե Վասիլյան
«Ռադիոլուր»
Արեւելյան գործընկերության Եվրանեսթ խորհրդարանական վեհաժողովի նախորդ շաբաթ Բրյուսելում ավարտված լիագումար նիստի արդյունքներն են ամփոփել հայկական պատվիրակության անդամները:
Խորհրդարանական պատվիրակության ղեկավար, ՀՀԿ խմբակցության պատգամավոր Արտակ Զաքարյանը արդյունավետ է գնահատել աշխատանքը , նշելով, որ հայկական պատվիրակությանը հաջողվել է քննարկվող փաստաթղթերից հանել բոլոր այն ձևակերպումները, որոնք չեն բխել Հայաստանի ու Ղարաբաղի շահերից, բայց որոնց ընդունման հարցում խիստ շահագիգիռ են եղել ադրբեջանական պատվիրակության անդամները:
Ըստ Զաքարյանի՝ թվով 8 առաջարկ դուրս է բերվել քաղաքական հանձնաժողովի զեկույցից, 3-ն էլ սոցիալականից:
Հայկական պատվիրակության ղեկավարը ձեռքբերում է համարել նաև այն համաձայնութունը, ըստ որի Եվրանեսթ խորհրդարանական վեհաժողովի լիագումար հաջորդ նիստը կկայանա Երեւանում, 2014 թվականի նոյեմբերին:
