Արտակ Բարսեղյան
«Ռադիոլուր»
ՀՀ ԳԱԱ նախագահության նիստերի դահլիճում այսօր մեկնարկեց «Երկրաֆիզիկայի, ինժեներային սեյսմաբանության եւ սեյսմակայուն շինարարության ժամանակակից խնդիրները» թեմայով երիտասարդ գիտնականների միջազգային գիտաժողովը, որը նվիրված է ՀՀ ԳԱԱ ստեղծման 70-ամյա հոբելյանին:
Սեյսմաբանությունը մեր երկրում ավելի մեծ պահանջարկ ստացավ 1988 թվականի Սպիտակի ավերիչ երկրաշարժից հետո: Սա այն ոլորտներից է, որի ուսումնասիրությունները կարևոր են մեր երկրի համար, քանի որ Հայաստանը գտնվում է բարձր սեյսմիկ ակտիվության գոտում:
Այս առումով մեր երկրում առաջին անգամ անցկացվող այս գիտաժողովը կարևոր նշանակություն կարող է ունենալ սեյսմիկ վտանգի գնահատման արդի միջոցների կիրառման հարցում, նշեց ՀՀ ԳԱԱ Երկրաֆիզիկայի, ինժեներային սեյսմաբանության ինստիտուտի երիտասարդ գիտնականների խորհրդի նախագահ, երկրաբանական գիտությունների թեկնածու Ջոն Կարապետյանը:
Երիտասարդ գիտնականը ավելի շատ կարևորեց սեյսմակայուն շինարարարության առաջնահերթությունը, քան՝ երկրաշարժերի կանխատեսման:
Գիտաժողովի շրջանակներում հայ և ղազախ երիտասարդ գիտնականները ստորագրեցին համագորցակցության հուշագիր։
«Այս հուշագրով նախատեսվում է իրականցնել եռամյա ծրագիր` միջպետական դրամաշնոհի միջոցներով, որի գումարը կազմում է մոտ 200 հազար ԱՄՆ դոլար: Սա առաջին նման ծրագիրն է, և հետագայում մեր հայ գործընկերների հետ ծրագրում ենք համագործակցել երկրաֆիզիկայի, սեյսմադիցկուն շինարարության և սեյսմաբանության ոլորտներում: Ուսումնասիրությունների արդյունքները կանցներն արտոնագրային հաստատում ինչպես Ղազախստանում, այնպես էլ Հայաստանում»,- ասաց Ղազախստանի նախագահի հիմնադրամի խորհրդի անդամ Ժանար Աուկաժիևան։
