Բրիտանիայում հինգշաբթի կսկսվեն կորոնավիրուսային պատվաստանյութի կլինիկական փորձարկումները, հայտարարել է երկրի առողջապահության նախարար Մեթ Հանքոկը: Այս մասին գրում է BBC-ին:
Covid-19-ի պատվաստանյութը մշակվում է Օքսֆորդի համալսարանում և Լոնդոնի Իմպերիալ քոլեջում: Նախարար Հենքոկի խոսքով ՝ ապրիլի 23-ին կսկսվեն Օքսֆորդի համալսարանում ստեղծված պատվաստանյութի փորձարկումները մարդկանց վրա:
Երկու համալսարանները կլինիկական փորձարկումների համար որպես աջակցություն կառավարությունից կստանան 42.5 միլիոն ֆունտ ստերլինգ:
«Ես խոստացա գիտնականներին, որոնք ղեկավարում են ծրագրերը, աջակցության համար մեզանից կախված ամեն ինչ անել», — ասել է նախարարը ՝ հավելելով, որ պատվաստումը կորոնավիրուսը հաղթահարելու ամենաարդյունավետ միջոցն է:
Ըստ Հանքոկի, պատվաստանյութի մշակումն այնքան կարևոր է, որ Բրիտանիան պատրաստ է իր բոլոր ջանքերը գործադրել դրա ստեղծման համար և արդեն իսկ ավելի շատ ներդրումներ է կատարել կորոնավիրուսի դեմ պայքարում, քան մյուս երկրները:
Ապրիլի սկզբին մեկ շաբաթվա ընթացքում Անգլիայում և Ուելսում բոլոր պատճառներից մահացությունների թիվը կրկնապատկվել է այդ ժամանակահատվածի միջին վիճակագրական ցուցանիշի համեմատ:
Ապրիլի 4-ից 10-ը Մեծ Բրիտանիայի ազգային վիճակագրության բյուրոն գրանցել է 18.500 մահվան դեպք, ինչը 8 հազարով գերազանցում է միջին ցուցանիշը և առավելագույնն է վերջին 20 տարում:
Մահացությունների մոտ մեկ երրորդը պայմանավորված է կորոնավիրուսով, բայց աճել է նաև այլ պատճառներով մահացության թիվը: Որն է աճի պատճառը, դեռևս պարզ չէ, հնարավոր բացատրություններից մեկը համաճարակի ընթացքում հիվանդանոցային բուժումից հրաժարվելն է ՝ նույնիսկ խիստ անհրաժեշտության դեպքում: Համաճարակի սկզբից ի վեր շտապ օգնության զանգերը կրկնակի նվազել են:
Երեքշաբթի օրը Բրիտանիայի խորհրդարանի Համայնքների պալատը զատկական տոներից հետո վերսկսել է նիստերը, բայց իր պատմության մեջ առաջին անգամ առաջադրել է սոցիալական տարածությունը պահպանելու պահանջը: Նիստերի դահլիճում կարող է լինել միաժամանակ ոչ ավելի քան 50 պատգամավոր՝ միմյանցից առնվազն 2 մետր հեռավորություն պահելով: Մյուս խորհրդարանականները նիստին կարող են մասնակցել տեսակապի միջոցով:
