«Վրաստանը, Հայաստանը և Ադրբեջանը քաջ գիտակցում են, թե որքան են տարածաշրջանի հակամարտությունները վնասում տնտեսական հարաբերություններին», այսօր ասել է Վրաստանի վարչապետ Բիձինա Իվանիշվիլին ՆԱՏՕ-ի Խորհրդարանական վեհաժողովի Թբիլիսիում կազմակերպած «Ռոուզ-ռոս» սեմինարի ժամանակ։
Անդրադառնալով հայ-ադրբեջաբնական հարաբերություններին՝ Իվանիշվիլին նշել է, որ և Երևան, և Բաքու կատարած այցերի ժամանակ ինքը տեսել է, թե որքան իրատեսական է հարաբերությունները կարգավորելու հեռանկարը երկու կողմերի համար էլ։
Վրաստանի վարչապետը նշել է, որ հետխորհրդային տարածքում առկա երկու միջպետական և երեք տարածաշրջանային հակամարտությունների լուծման հեռանկարը դեռ չի տեսնում: Պաշտոնյան ընգծել է միջազգային հանրության կողմից Հարավային Կովկասին աջակցություն ցուցաբերելու անհրաժեշտության մասին։
