ԵԱՀԿ Մինսկի խմբի համանախագահներ Ժակ Ֆորը, Իգոր Պոպովը եւ Իան Քելին Բաքվում են։ Ադրբեջանական լրատվամիջոցները հաղորդում են, որ նրանց հանդիպումը երկրի ղեկավարության հետ նախատեսված է ապրիլի 3- ին։
Ըստ նույն տեղեկությունների՝ սպասվում է, որ ապրիլի 4- ին համանախագահները կհատեն ղարաբաղա- ադրբեջանական շփման գիծը։
Վերջին անգամ համանախագահները տարածաշրջանում եղել են անցած ամիս։ Մարտի 19- ին նրանք եղել են Ստեփանակերտում, իսկ 21- ին՝ Երեւանում։ Այն ժամանակ միջնորդները Ադրբեջան չայցելեցին։
