Աիդա Ավետիսյան
«Ռադիոլուր»
Այսօր Հայաստանում պատկերացում չկա քարանձավների քանակի մասին: Նախ պետք դրանք հաշվառել, ունենալ վիճակագրական տվյալներ, նոր հետո կազմել անձնագրեր, ասում է հնագետ Բորիս Գասպարյանը:Քարանձավագետների միության նախագահ Սամվել Շահինյանը Եղեգնաձորում, Կոշում և Ուջանում արած դիտարկումների արդյունքում պարզել է, որ քարե դռնավոր քարանձավների վիճակը վատ է: Գիտաճանաչողական, մշակութային, հնագիտական նշանակություն ունեցող քարանձավներն այսօր չեն շահագործվում և ավերվում են, բարձրաձայնում է նա՝ փաստելով՝ քարանձավներում հսկողություն չկա։
Մարդը սահմանադրորեն իրավունք ունի շրջելու քարանձավում, սակայն, երբ մտնում է այնտեղ, մտածում է ոչ թե վայելու, այլ քանդելու մասին։
Խնդրի լուծումը քարանձավագետը տեսնում է խնամքի և հսկողության մեջ։
«Մեր երկիրն ունի մշակութային ահռելի ժառանգություն, սակայն վիճակը թույլ չի տալիս տնօրինել, պահպանել և օգտագործել այդ ժառանգությունը, ասում է հնագետ Բորիս Գասպարյանը: Վերջինիս խոսքով`անհրաժեշտ է քայլեր ձեռնարկել` մի կողմից հուշարձանը պեղելու և ուսումնասիրելու, մյուս կողմից`թանգարանի վերածելու համար: Գասպարյանի կարծիքով` քարանձավները պետք է տալ գիտակ մարդկանց, ովքեր հասկանում են դրանց օգտագործման օրինաչափությունները:
