Արմավիրի և Արագածոտնի մազի գյուղերի այգիներում ծիրանի բերքահավաքը մի քանի օր է սկսվել: Գյուղատնտեսական շրջանը ապահովում է սեզոնային աշխատատեղեր ոչ միայն գյուղացիների, այլև քաղաքաբնակների համար: Բերքահավաքին աշխատանք ապահովում են և այգետերերը, և արտահանողները: Սեզոնային աշխատանքը շարունակվում է մինչև աշուն:
Ծիրանի այգիներում դեռ շարունակվում է բերքահավաքը: Կլիմայական գոտիով պայմանավորված ծիրանի առաջին բերքահավաքը սկսվում Արարատի մարզից և ավարտվում Արմավիրի և Արագածոտնի մարզի նախալեռնային շրջաններում, որտեղ մի քանի օր է, ինչ սկսել են բերքահավաքը: Ոսկեշող ու քաղցրահամ ծիրանի ապրանքային տեսքը որոշակի չափով պահպանվել է այն այգիներում, որտեղ կարկուտն ու ցուրտը քիչ են վնասել:
Ծիրանի ապրանքային տեսքն ու որակը սահմանում է վաճառքի գինը: Արմավիրի և Արագածոտնի մարզի նախալեռնային այգիներում, որտեղ ծիրանը նոր է հասունանում, մեկ կիլոգրամը 350 դրամով արտահանվում է Ռուսաստան: Ուզբեկ գնորդ էլ են ունեցել, սակայն առաջարկված ցածր գինը չի գոհացրել այգետիրոջը: Անդրանիկ Հովհաննիսյան
,,Ուզբեկ գնորդը 300 դրամով էր առաջարկում գնել, չհամաձայնվեցի, քանի, որ իր ապրանքն ավելի լավն է: Ծիրանի այգիները 2 անգամ եմ սրսկել, որպեսզի շատ թունաքիմիկատ չտամ, գոմաղբով եմ պարարտացնում, չնայած գյուղապետարանը հարմար գներով պարարտանյութ է տրամադրում մեզ,,:
Բերքահավաքի ժամանակաշրջանը արդեն մի քանի տարի ժամանակավոր սեզոնային աշխատատեղեր է ապահում ոչ միայն քաղաքաբնակների, այլև գյուղացիների համար: Այգետերն ապահովում է ծիրան քաղողների աշխատանքը, գնորդը՝ բերքը արկղերում շարողների ու կրողների: Արատաշատցի ծիրան արտահանողը իր աշխատողներին Բաղրամյանի և Թալինի գյուղերի այգիներ է տեղափոխում սեփական միջոցներով: Կարինեն արդեն 3 տարի մասնակցում է սեզոնային աշխատանքին, ծիրանը տեսակավորում է ու որակովը բերքը շարում արկղերում:
Նայում եմ, որ ծիրանը թաց, խոնավ չլինի, վնասված ու չեչոտ չլինի: Աշխատանքի ենք դուրս գալիս վաղ ատավոտից, տուն վերադառնում ուշ երեկոյան, կախված է հեռավորությունից, երբ Արարատի մարզում էինք իրիկունը ժամը 6-ին տանն էինք, հիմա ավելի ուշ ենք գնում 10-ին,,:
Օրվա հաշվարկով 5000-6000 դրամ են ստանում: Բերքահավաքի մասնակիցներն իրենց աշխատանքը ռիսկային են համարում, մտավախությունը՝ օձերն են, որոնց շուրջ տարբեր պատմություններ են անում:
Մի քանի օրից արտահանվող ծիրանի բերքահավաքը կավարտվի: Սեզոնային աշխատողների աշխատանքը շարունակվելու է մինչև աշուն:
