Կոդավորում սովորեցնող հայկական SoloLearn հավելվածը հաղթել է Facebook սոցցանցի կողմից ամեն տարի անցկացվող FbStart մրցույթում՝ արժանանալով այս տարվա գլխավոր մրցանակին: Այս մասին հայտնում է Tech Crunch տեխնոբլոգը՝ հղում անելով ընկերության հայտարարությանը։ Մրցույթը հնարավորություն է տալիս մինչև 100.000 դոլար շահել բիզնեսի զարգացման համար: Այս տարվա մրցույթին մոտ 900 մասնակցության հայտ է ուղարկվել 87 երկրից:
Հավելվածը նախատեսված է iOS և Android օպերացիոն համակարգերով էլեկտրոնային սարքերում աշխատանքի համար:
Հավելվածից օգտվում է 17 մլն մարդ, նրանցից 1.5 մլն-ը՝ ամեն օր: Օգտատերերի 40%-ը Հնդկաստանից է, 25%-ը`ԱՄՆ-ից, մնացածը՝ Եվրոպայից:
SoloLearn-ի գործադիր տնօրենն ու համահիմնադիրն է հանդիսանում Դավիթ Քոչարյանը, ում մտահղացմամբ օգտատերերը խաղային մեխանիկայի միջոցով տիրապետում են ապակոդավորման գաղտնիքներին։
