Սաթիկ Իսահակյան
«Ռադիոլուր»- Արմավիր
Նախագահի թեկնածու Րաֆֆի Հովհաննիսյանը քարոզարշավի ընթացքում արդեն երրորդ անգամ այցելեց Արմավիրի մարզ։ Այսօր նրա հանդիպումը Էջմիածնի ընտրողների հետ էր: Րաֆֆի Հովհաննիսյանը խոստացավ, որ ընտրվելու դեպքում հինգ տարի անց կունենանք ավելի լավ, բարեփոխված Հայաստան, որի կրթական, առողջապահական համակարգերն աշխարհում կլինեն ամենալավը:
«Դուք իմ քվեն պահեք, ես էլ ձեր քվեն կպահեմ։ Թող հաղթի արդարությունը»,- հանդիպման ընթացքում ասաց Րաֆֆի Հովհաննիսյանը։
Էջմիածնում ընտրողների հետ հանդիպումից առաջ նախագահի թեկնածուն ներկա գտնվեց տյառնընդառաջի տոնի արարաողությանը, ողջունեց նորապսակներին և բարեմաղթեց սիրել միմյանց եւ մեր հայրենիքը։
