Ալիևն այդպես փորձում է Ադրբեջանի հանրության մոտ դժգոհության ու բողոքի ալիք բարձրացնել ու ստվերում թողնել բուլղարական լրատվամիջոցներով վերջերս գաղտնազերծված տեղեկությունը, ըստ որի՝ Ադրբեջանը 350 դիվանագիտական չվերթներ է օգտագործել՝ ահաբեկիչներին զենք հասցնելու համար։
Սա բավականին լուրջ բացահայտում է և միջազգային հարության ուշադրությունն ստվերելու համար երեխայի արյան գործոնն է շահարկում Բաքուն՝ ասում է քաղաքագետ Հրանտ Մելիք-Շահնազարյանը:
Ըստ նրա՝ Ալիևի վարչակազմն այդպիսով նաև փորձում է իր ագրեսիան ու հետագա հարձակումը հանրային պահանջով հիմնավորել: Ըստ այդմ՝ կարելի՞ է ենթադրել, որ հակառակորդը պատրաստվում է լայնածավալ հարձակման անցնել, հարց քաղաքագետին:
«Ես ավելի քան համոզված եմ, որ Ադրբեջանը լայնամասշտաբ պատերազմ սկսելու եւ, առավել եւս, հաջողություն հասնելու ռեսուրս չունի»:
Ալիևը ֆեյսբուքյան իր էջի միջոցով արդեն ողջ աշխարհի ադրբեջանցիներին ուղերձ է հղել՝ նշելով, թե «չպետք է աչք փակել կատարվածի վրա», սակայն այդ կոչն օդում կախված է մնացել։ Շատ երկրներում բողոքի ակցիաները տապալվել են, ոչ ոք չի մասնակցել դրանց, ինչը ցույց է տալիս, որ ինքնաբուխ հանրային դժգոհություն կամ ռազմական գործողությունների վերսկսման հասարակական պահանջ չկա: Բոլորն էլ հասկանում են, որ բնակելի գյուղի տարածքում հենակետ տեղադրելը նշանակում է կենդանի վահան դարձնել խաղաղ բնակչությանը: Բացի դա՝ երեխայի թաղմանը 60-70 մարդ է ներկա գտնվել, ինչը ևս խոսում է Ադրբեջանում կատարվածի նկատմամբ համընդհանուր դժգոհության ալիքի բացակայության մասին։
«Ռազմինֆո» մասնագիտացված կայքի համակարգող Կարեն Վրթանեսյանի խոսքով՝ ադրբեջանական կայքերին հետևելով դժվար է հասկանալ այդ երկրում առկա տրամադրությունները, քանի որ տարածնող քարոզչությունից տարբերվող որևէ կարծիք չի հանդուրժվում. ինչով է պայամանավորված այս վայնասունը, որ բարձրացրել է Ադրբեջանը:
«Տարբեր սցենարներ են հնարավոր: Չի կարելի բացառել, ինչ-որ սադրանքներ են նախապատրաստում»:
Ներկայացվող կադրերում ու տեսագրություններում պարզ երևում է, թե ինչպես է հակառակորդը հենակետերը գյուղերում տեղակայել: Եվ որևէ մեկը չի հանդգնի հարցնել թե ինչու է հենակետը գյուղից 450 մ հեռավորության վրա տեղեկայվում: Իսկ արյունոտ լուսանկարներ տարածելու գործելաոճը քաղաքագետը,ի դեպ, նմանեցրեց ԻՊ համանման վարքագծին:
ՄԽ՝ ռազմական գործողությունը դադարեցնելու և բանակցային սեղանի շուրջ վերադառնալու կողմերին: Անդրադառնալով հայտարարությանը Հրանտ Մելիք Շահնազարյանը մի եզրահանգում արեց.« Մեր ԶՈՒ-ի ուսերին կմնա պաշտպանությունը»:
Եվրանեսթի Խորհրդարանական վեհաժողովում հայկականի պատվիրակության եւ ԵՄ- Հայաստան խորհրդարանական համագործակցության հանձնաժողովի հայկականի կողմի անունից էլ եվրոպացի գործընկերներին նամակ է հղել ԱԺ-ի արտաքին հարաբերությունների մշտական հանձնաժողովի նախագահ Արեմն Աշոտյանը, որոում նշում է, որ «Բաքուն փորձում է շահարկել քաղաքացիական կորուստների փաստը՝ շեղելու համար միջազգային հանրության եւ մարդասիրական կազմակերպությունների ուշադրությունը Ադրբեջանի կողմից անցյալ տարի Ղարաբաղի դեմ ագրեսիայի ժամանակ թույլ տված միջազգային հումանիտար իրավունքի կոպիտ խախտումներից»։
