ԵԱՀԿ Մինսկի խմբի համանախագահները բավականին դժվար միջավայրում լավ աշխատանք են կատարում, ԵՄ-ն աջակցում է նրանց աշխատանքին` ասում է Հայաստանում ԵՄ պատվիրակության ղեկավար Պյոտր Սվիտալսկին՝ անդրադառնալով վերջին օրերին ղարաբաղա-ադրբեջանական շփման գոտում հակառակորդի գնդակից չորս հայ զինծառայողի զոհվելու փաստին:
«Մի քանի օրից՝ հուլիսի սկզբին, Հայաստան կժամանի ԵՄ հատուկ ներկայացուցիչը: Նրա այցելությունը հաստատում է, որ մենք կարևորում ենք և մտահոգ ենք իրավիճակով: Մենք հավատում ենք, որ հիմնական դերակատարությունը ԵԱՀԿ Մինսկի խմբի ջանքերի աջակցությունն է, բայց պատրաստ ենք նաև լրացուցիչ աջակցություն ցուցաբերել խաղաղության գործընթացին, նաև՝ հակամարտության կարգավորմանը հաջորդող ժամանակաշրջանում»:
