Սննդամթերքի անվտանգությունը ազգային անվտանգության բաղկացուցիչ մասերից է: Վերջին օրերին հարցն առավել մեծ ուժգնությամբ հայտնվեց հասարակության ուշադրության կենտրոնում: Այս ոլորտում խնդիրները շատ են՝ գնից եւ որակից սկսած մինչեւ տրանսգեն սննդամթերք: Այս խնդիրը նաեւ հայտնվել է կառավարության ուշադրության կենտրոնում, իսկ մինչ լուծումները կգտնվեն՝ շարքային սպառողները փորձում են սեփական ուժերով ապահովել իրենց սննդային անվտանգությունը, թեեւ ոլորտի պատասխանատուները նշում են, որ այս հարցերում անհանգստանալու որեւէ պատճառ չկա:
