Ապրիլի 29 ին հայտարարված է «Համահայկական շաբաթօրյակ»: «Դուրս արի բակ» նախաձեռնությունը այդ օրը բոլորին հրավիրում է դուրս գալ իրենց տներից ու մաքրել բակն ու փողոցը. նախաձեռնության անդամները կամավորներին խոստանում են նաև նվերներ:
«Դուրս արի բակ» նախաձեռնության անդամ, ճարտարապետ, շաբաթօրյակի նախաձեռնողներից Հայկ Զալիբեկյանը հերթով թվարկում է բոլոր այն վայրերը, որոնք պատրաստվում են մաքրել ապրիլի 29 ին հայտարարված «Համահայկական շաբաթօրյակ»-ի շրջանակներում:
Արդեն երկրորդ տարին անընդմեջ նրանք ինքնակամ դուրս են գալիս փողոց, զբոսայգի և կարգի բերում շրջակա միջավայրը: Անցած տարի հանդես էին եկել «Միասին մաքրենք մեր երկիրը» նախաձեռնությամբ։ Այս տարի էլ բոլորին ցանականում են դուրս բերել բակ: Մի քանի օր առաջ Facebook-ում սոցիալական ցանցում «Դուրս արի բակ» իվենտ ստեղծեցին եւ իրենց գրառումները #killzibil հեշթեգով կատարելով՝ բոլոր ցանկացողներին հրավիրեցին միանալ աղբահավաքությանը: Նախաձեռնությանը արդեն միացել են անհատներ, կազմակերպություններ՝ մոտ 200 հոգի:
Միջոցառման ավարտից հետո մասնակիցներին գործվածքից փաթեթներ կնվիրեն ընդգծելու համար պլաստիկից աստիճանաբար հրաժարվելու կարեւորությունը:
