90 տարեկանում կյանքից հեռացել է Կուբայական հեղափոխության առաջնորդ Ֆիդել Կաստրոն, ով մի քանի տասնամյակ գլխավորել է Կուբայի հանրապետությունը։ Այս մասին հայտնում է Կուբայի պաշտոնական լրատվական գործակալություն Prensa Latina-ն։
Ֆիդել Կաստրոն ծնվել է 1926 թվականի օգոստոսի 13-ին։ 1976 թվականի դեկտեմբերից 30 տարի եղել է Պետխորհրդի և Կուբայի նախարարների խորհրդի նախագահ, հանդիսացել նաև Հեղափոխական զինված ուժերի գլխավոր համանատարն ու երկրի Ազգային պաշտպանության խորհրդի նախագահը։
Առողջական վիճակի վատթարացման պատճառով 2006 թվականի հուլիսի 31-ին Ֆիդել Կաստրոն պարտականությունները փոխանցել էր եղբորը՝ Ռաուլ Կաստրոյին։
