Մշակույթ

Էդվարդ Մունկի «Աղջիկները կամրջի վրա» կտավը վաճառվել է 54.5 մլն դոլարով

Նորվեգացի նկարիչ Էդվարդ Մունկի (1863-1944) «Աղջիկները կամրջի վրա» (1902) նկարը Նյու Յորքում Sotheby’s աճուրդի տան կողմից վաճառվել է 54.5 մլն դոլարով։ Այս մասին հայտում է TASS գործակալությունը։

Լոտի մեկնարկային գինը կազմել է 50 մլն դոլար։ Այդ նկարը, որը համարվում է նկարչի ստեղծագործությունում առանցքայիններից մեկը, 1996 թվականին վաճառվել էր 7.7 մլն դոլարով։ 2008 թվականի այն աճուրդում իրացվել էր արդեն 30.8 մլն դոլարով։

Սակայն նորվեգացի նկարչի աշխատանքների շարքում ռեկորդը պատկանում է «Ճիչը» (Skrik, 1893) նկարին, որը 2012 թվականին վաճառվել է 119.9 մլն դոլարով։

Ժամանակակից արվեստի աճուրդում իր տիրոջն է գտնել նաև Պաբլո Պիկասոյի «Նկարիչն ու մոդելը» նկարը (1960թ)։ Այն վաճառվել է 12.9 մլն դոլարով։

Back to top button